ماضاقت الدنيا الوسيعه بأهلها

خذ من سعه لياك تاخذ مـن الضيـق ماضاقـت الدنيـا الوسيعـه باهلهـا



يرضيك ما يرضي جميـع المخاليـق اللـي يجـازي كـل نفـس بعملهـا



سـج القـدم والله عليـه التوافيـق واليـا جفتـك الــدار دور بدلـهـا



الصبـر مفتـاح الفـرج للمطالـيـق ونفـس تعـدى حدهـا مـن جهلهـا



كـم واحـد قـد ذاق مـر التفاريـق وعقب الرضا نفسـه تزايـد زعلهـا



عليه مالت غـرب عقـب التشاريـق وحتى ايش لو مالت على الله عدلهـا



محد يلـوم اهـل القلـوب المشافيـق الرجل تركـض ليـن يوقـف اجلهـا



الحب هو سـاس الشقـا للعشاشيـق والنـاس بالايـام يـاطـول املـهـا



من ذاق عشرة لابسـات العشاريـق ما طاعتـه نفسـه لـو انـه عذلهـا



الحب كايد والهـوى ييبـس الريـق واهـل التغـزل لاهيـه فـي غزلهـا



تتـل قلبـي مـن سخـاف المعاليـق تلة دلـي اللـي حيـا مـن رسلهـا



والمـا بعيـد بقاعـة ام الزرانـيـق والقلـب لحـم ودم كيـف احتملـهـا



قمنا علـى علـم وعهـود ومواثيـق مـا نختلـف وارزاقنـا الله كفلـهـا



راع الهـوى بالليـل نومـه تخافيـق دار رحــل منـهـا ودار نزلـهـا



ترى الهوى قتـال مـا فيـه تفريـق ياكـم قتـل نفـس ونفـس عزلهـا



واصل السبب من هرج بعض المطافيق اللـي يديـه مـن المـروه غسلهـا



اهل الركاب اللـي تلـف الطواريـق اتكشـف اسـرار العـرب وتختلهـا



لاهـم بخيـالـه ولاهــم تفافـيـق اتــدور الـغـرات والله فشـلـهـا



علمي بهـا غربيـت بـال شواهيـق فـي روضـة تـوه يفـرخ حجلهـا



روضه تضاحـك بالزهـر والزماليـق يجـذب مسافـة يـوم ريحـة نفلهـا




::

الشاعر الكبير احمد الناصر ..