هالحين تسألني متى و كيف وشلون!! الحين توك تسأل اشلون حبيت !!

اهداء الى مداهيل الموت ,,,,



الشاعر حمدان المري

!!!!!


هالحين تسألني متى و كيف وشلون!!
الحين توك تسأل اشلون حبيت


يعني ماكن اللي بسني يعشقون
ولا اعترافك لي خطاء وانت زليت


كنك وكن الي معك مايعرفون
اني على عهدك معي يوم قفيت


ماهو غريب الي معك يستغربون
بس الغريب انك جحت وتناسيت


سجيت من دوار مبنا التلفزيون
اول ماشفتك فيه وش انت سويت


رديت لي بعينك الخرس بلهون
ورفعت جامت سوبرمانك وعديت


فتنتني بك لين قفيت مفتون
من شافني قال الولد رايحن تيت


من خلفتي ضيعت وين الدرقسون
واشغل الماء وامسحه وفهق السيت


لو موتري محركاته يحسون
في ذمتي انه يخلط الماء مع الزيت


وقفتو وصفيتو مع الي يصفون
وحولت في ذاك المحل وتقهويت


واللي معك ماحولو يتقهوون
سبحان ربي مثل مانا تمنيت


ابيعها مابيعها ابليس ملعون
ماجا على بالي سوى قول ياليت


وجه حسن زايد دلع زايد عيون
يعني ساعت شفتك على طول وليت


وشفتك ومن شافك كذا صار مجنون
اكذب عليك ان قلتلك ماسجنيت


سويت مثل الي ملقف يسون
ماتعرف ارقامي لكن كيف دقيت


جاني رقم واقول وش ذا التلفون
مدري وش اللي فز قلبي ورديت


وطلعتي من بين تلفين مليون
غلطت بتلفين بس المهم جيت


كلمتني والصوت مدري وش يكون
كلمت الوو تسوى لها اربع اميه بيت


وعلمتني من غير ذولاك يدرون
اني اعرفك وتعرفني وسجيت


هو الذي يعرفون مثلك يسجون
الا قول اني يوم غبت استخفيت


ولعتني والوقت من غير مامون
خذك ولاخلا ولا عاد خليت


الا القصيد وضيقه البال وضنون
الظن في صدري سواة الديناميت


هالحين تسألني متى و كيف وشلون
الحين توك تسأل اشلون حبيت!.


تقبلو تحياتي