قصيدة (( سهره )) لشاعرنا عبدالله العدواني

سنا القمر والليـل والاحساسـي = لبارحه محيين عنـدي سهـره


نسيت فيها دنيتـي مـع ناسـي = سكره غرام ويالها مـن سكـره


مثل المطـر ماينعـش اليباسـي = ينعش خفوقي من وساعك نظره


في وسط عيني والهدب حراسي = والبيت بيتك وانت راع الدبـره


لو بجمع انواع الذهب بكياسـي = يمكن يساوي من جديلك شعـره


غلط غلط لو بجمـع الاماسـي = نظره من عيونك تعـدا سعـره


يالي تقول انـي عنيـد وقاسـي = ماني كذا والـي جعلنـا خشـره


محتاس انا ماترحـم المحتاسـي = الوقـت جايـر واليالـي غبـره


واليا طرالي ماطرا في راسـي = هليت من صافي عيوني عبـره


يضيق صدري واحبس الانفاسي = حتى المكان يضيق فـي بكبـره


اضحك على روحي يا كني ناسي = وانا لـك الله مانسيـت العشـره


اواسـي الخفـاق وش بواسـي = صبر صبر يالين كمـل صبـره


الحزن فينـي ماهـو بينقاسـي = انا غشيمـن والزمـن يختبـره


بغيت اعبر واشتكـا القرطاسـي = وبكا القلم يالين خلـص حبـره