وانا الي كنت اعشق كل نجمه بالسما لاحت

انا لا قلت لي شلونك وانا ضايق اقول بخير
ما دامك سائلن عني اكيد ان ضيقتي راحت



انا من كثر ما احبك اشوفك في عيوني غير
تضيق النفس من غيرك ولا من شفتك ارتاحت


احبك كثر ما تطري في بالي وتشغله التفكير
كثر ما اشيلك بعيني وناسن منها طاحت



احبك كثر ما ازمح خطاك ان خانك التعبير
كثر ما خانت الرفقه بكتم اسرارها وباحت



احبك كثر صقارن تولع في محبه طير
كثر ما دلة الطيب بريحة هيلها فاحت



احبك كثر ما احس بشعور اني عليك اغير
كثر ما ازيح هلغيره عن افكاري ولا انزاحت



احبك كثر ما لك قدر مني حب وغلا وتقدير
كثر ما غبت عن عيني ودموع مفارقك ساحت



تصدق من عرفتك صرت احبك واكره التغيير
وانا الي كنت اعشق كل نجمه بالسما لاحت



تأكد كل ما تسئل عن احوالي اكون بخير
ما دامك سائلن عني اكيد ان ضيقتي راحت

انا من كثر ما احبك اشوفك في عيوني غير
تضيق النفس من غيرك ولا من شفتك ارتاحت

قمه قمه قمه في الاختياار يالزعيـــــــــــــــم

يعطيك العافيه على مانقلت


تقبل مروري